بعد تقييمها للايفال اليوم ازداد حبي واحترامي لها ..!!

السلام عليكم ورحمة الله وبركاته

من كتر ما كتب مواضيع عن ديالا انها انانية وبتحب كل شي لنفسها خلاني شوي
افكر واقول يمكن الناس شايفة هالشي فيها وانا مش شايفيتو وبصراحة وما بكذب
عليكم كنت خايفة جداً انه ديالا تكون انانية وما تقييم بسمة بشكل صح لانه
كلنا بنعرف بسمة من افضل الاصوات وانها بتنافس على اللقب عشان هيك كنت
خايف تتغلب مشاعر الغيرة والتنافس عند ديالا وما تذكر اسم بسمة من الافضل
بين الطلاب لكن والحمد لله كانت عادلة وكانت قد المسؤولية واختارت بسمة
الافضل من بين جميع الطلاب ومن بعدها اختارت زاهر وابراهيم وانا معها لانه
فعلاً كانوا الافضل وطبعاً بنستثني يحيى وايناس لانه كانوا معها بنفس
الايفال ...... اليوم ديالا اثبتت انه المرأة بشكل عام على قدر من
المسؤولية وتستطيع اتخاذ قررات بعقلها وبعيد عن العواطف والمنافسة

طبعاً انا عارفة ما رح يأيدني كل من جمهور محمد باش وعبد العزيز وسيراج وناظم لاني شفت تعليقاتهم في بعض المواضيع

جمهور محمد باش عتبان على ديالا ليش محمد مش من الافضل : اغنية محمد غناها
نادر قيراط السنة الماضية يا ريت تسمعوها بصوت نادر وانتو لوحدكم رح
تعرفوا ليش محمد ما كان الافضل لانه رح تشوفوا فرق شاسع بينهم لانه ومن
غير زعل محمد كان يصرخ ما كان يغني

جمهور عبد العزيز عتبان على ديالا ليش عبد العزيز مش الافضل : من غير نفاق
افضل طالب بالنسبة الي من الشباب عبد العزيز ويحيى لكن اليوم عبد العزيز
كان احساسه بالاغنية معدوم صحيح الكلمات صحيحة واللحن صحيح لكن الاحساس
صفر كان مجرد عم يغني وانا اعتقد السبب انه متعصب من قصة طرده كل شوي من
الدروس لانها تكررت معه اكثر من مرة وخصوصاً اذا اخدنا بعين الاعتبار عمره
ومركزه الاجتماعي كونه رجل اعمال فاكيد كتير رح تاثر على ادائه هذه الامور
حتى من كتر عصبيته من استاذ المسرح سبه ما بعرف اذا انتبهوا الها او لاء (
قال انا ما ضحكت بالدرس بس شو نعمل بتفكيره الخري )

جمهور سيراج : سيراج كيوت وشخصيته حلوة ومحبوب بس بتمنى من جمهوره ياخدوا بعين الاعتبار انه سيراج ما عنده قدرات بصوته

اما بالنسبة لجمهور ناظم : ليش عتبانين على ديالا ؟ ناظم بنفسه اول ما طلع
من الايفال قال انا نوميني وحكى الموال كان شكل والاغنية كانت شكل تاني
وقال انا ضعت بالايفال

اسفة اذا طولت عليكم وبتمنى الردود برقي والنقاش بهدوء والابتعاد عن التعصب الاعمى

وشكراً

اى كلامك كله صح بس اللى بتنافس على اللقب معاهم ايه
يعنى بسمه وخوله وايه وديالا هما احسن اصوات بالاكاديمى