تفاصيل كاستينغ ستاراك 8 لبنــــــــــان

بعد انتظار سنة تقريبا من نهاية الموسم الأكثر نجاحا بتاريخ ستار أكاديمي (ستاراك 7)
انطلقت جولة جديدة للبحث عن طلاب جدد لحتى يكونو ضمن طلاب الموسم الثامن من البرنامج الأكثر شهرة عربيا
برنامج ستار أكاديمي

وهلأ عنا تفاصيل عن أول محطة كاستينغ يللي كانت ببيروت

تفاصيل اليوم الأول:

توافد المشتركين كان قليل غالبية الصبايا عن الشباب
تميز واضح لصبية من زحلة بيقولو اسمها تالا وبيحكو انو قدمت 6 أغاني منوعة بين اللبناني و الفرنسي و أبدعت بصراحة بالأغاني العربية والأجنبية.
كمان في 2 شباب واحد من صيدا اسمو مصطفى والتاني من بيروت اسمو كارل ابدعو ومنتظرين الكل نشوفون عال ال بي سي هاي السنة
مصطفى غنى أربع أغاني جبلية وأبدع فيهن
وكارل غنا 4 أغاني لبنانية وبيحكو انو خامة صوتو قوية كتير
هدول كانو المميزين باليوم الأول

تفاصيل اليوم التاني
باليوم التاني العدد تبع المشتركين كان أعلى وأكتر وبيحكو انو كان في تميز لـ 3 صبايا و3 شباب
الصبايا:
أول صبية رولا من بعلبك بيحكو صوتا كتير حلو بس شكلها مو كتير حلو لهيك ما بيتوقعو انو رح تنقبل
الصبية التانية كارولينا اخختو لجاك نجم ستاراك 7 وفرصتا هاي السنة كبيرة لأنو اشتغلت عحالا
الصبية التالتة بيحكو اسما نورشان وأدت 5 أغاني أجنبية و أغنية للسيدة فيروز وكانت مبدعة

الشباب:
في شاب اسمو فادي من بيروت غنا كذا أغنية لوائل كفوري ووائل جسار وفارس كرم ومتوقعين نشوفو عال ال بي سي شكلا وصوتا مقبول كتييييير
شاب تاني اسمو آسر بيحكو انو مو لبناني بس مقيم ببيروت ليكفي دراسته هونيك خامة صوت قوية كتير غنا لوائل جسار و رامي عياش وزياد البرجي وغنا أغنيتين بالأجنبي واللجنة طولت معه كتير بالكاستينغ استفسرو منو كتير شغلات لدرجة الكلبيأكد انو رح يكون بالموسم الثامن ان الله راد
آخر شاب محمد سوري الجنسية بيغني ألماني و انجليزي و عربي بس بالألماني اتفوق لأنو صوتو كتير حساس بيحكو ومتوقعين يتقدم لمراحل متقدمة من التصفيات.

ورح نوافيكم بصور المشتركين بس يصيرو جاهزين.