تفاصيل لقاء ناصيف ع راديو مونتيكارلو

سلام لأحلى عالم اليوم بمناسبة عيد الموسيقى كان هناك مقابلة مع النجم ناصيف زيتون على اذاعة مونتي كارلو والأسئلة كانت الأتي

شو بتعنيلك الموسيقى بعيدا عن الدراسة ؟

أنا بهوى الموسيقى ولو ما كنت بحب الموسيقى ما كنت عارضت أهلي ودخلت هالمجال الي أنا بحبه الموسيقى بتعنيلي كتير

كيف بتكون أجواء عيد الموسيقى بسوريا؟

سوريا بلد الموسيقى بتصير حفلات كثير وأجواء كتير حلوة

خدنا مشوار لحارات الشام القديمة من خلال أغنية بصوتك يا ناصيف؟

غنى ناصيف أغنية يا مال الشام

خلينا نتذكر لحظات موسيقية من أغاني الي غنتها بالبرايم حطوا أغنية زينوا الساحة

كنت تطبخ بالأكاديمية من أي منطلق لأنك بتحب الطبخ أو من منطلق مجبر أخاك لا بطل؟

الأكلة الي بحبها بحب أتعلم أعملها أنا كنت بالبيت متعود أكل بالليل فكنت حب أطبخ وما فيق ولا حدا من أهلي حتى يعملي ياه بس الأكلة الي بحبها بعرف أطبخها بس أنا ما كتير بعرف أطبخ

شو أكثر أكلة بتحبها؟

أنا مايل للحلو بحب أكل الحلو خاصة الكريب بس من الطبخ أكثر أكلة بحبها هي ملوخية وعلقت هون المذيعة قائلة لكن بكرة المعجبات بيطبخولك ملوخية من منطلق أقرب طريق لقلب الرجل معدته

ناصيف قال اذا هيك فأمي أخذت قلبي بحب طبخها كتير و أصلا أمي بقلبي وعيوني وهون حيت المذيعة أبو ناصيف و أمه

هل استطعت استعادة نمط حياتك أو بعدك مضيع أو لسه منشغل بالتفاف الجمهور حولك؟

أنا وقعت عقد مع شركة باك عقد إدارة أعمال أموري بخير وفي شغل شي لقدام انشاء الله خير

شفناك داخل الأكاديمي كيف بتحن لسوريا وللشام هلق بعد ما طلعت من الأكاديمي هل عم تحن للأكاديمي و أكل الدايت؟

أكيد أنا عشت بالأكاديمي أربعة أشهر أكيد بحن للأكاديمي و للإكيب وللكروب والكنترول

شو رأيك تغني أغنية تهديها للأكاديمي ونسافر من خلالها لأركان الأكاديمي؟

غنى أغنية اشتقنا كتير يا حبايب (علقت المذيعة يا سلام اشتقنا كثير لنشوف ناصيف على TV)

قال ناصيف انشاء الله خير وهلق عم نشتغل شي انشاء الله يرضي العالم والمعجبين

شو بيعنيلك تاريخ 3\3\2010؟

على ايدي محطوط هاد اليوم شفت فيه الاستاذ وديع الصافي حبيب قلبي تاريخ ما بينتسى (لا يمكن نسيانه)

ايمت كنت عم تحلم تشوف فيه وديع الصافي؟ من يوم يومي حاولت كتير شوفه بس ما قدرت هو قعد فترة بالشام وحاولت اني قابله بس للأسف ما قدرت وهيك افقدت الأمل وحسيت انه الله ما راد يصير وأنا ما فكرت أنه الدنيا رح تسمحلي شوفه بس لما شفته هاد الشي دفعني وعطاني معنويات وأنا بتشكرالعملاق وديع الصافي كتير أنه سمحلي شوفه وعم أرجع قابله

غني أغنية لوديع الصافي؟ رح غني موال وغنى قاصد حماكم أنا بالخير يا جيران وعلقت هون المذيغة (لك يسلم هالصوت با أبو الياس)

غنيت لأكثر من عملاق ملحم بركات ..فؤاد غازي..زكي ناصيف.... وديع الصافي وحتى غنيت كورال مع مارسيل خليفة؟

[/sصدقيني أنا كبرت فيهم و لولا أعمالهم الفنية الي قدموها ما كنت بوصل أكيد ساعدوني من غير ما يحسوا لأنهم قدموا أعمال عظيمةize]

سمعنا إلياس كرم كان حابب يغني معك بأحد البرايمات ؟

أنا كنت بتمنى غني معه أنا الي كنت حابب غني معه بس للأسف إدارة الأكاديمية لها خطط معينة وما سمحت

اسمعنا عمالقة الفن عم يحكوا عنك شو رأيك بها اللفتة قصدها مكالمة الياس كرم و فؤاد غازي ؟

العمالقة فيها تواضع أكيد عندهم ايمان بحالهم وايمان بأعمالهم الفنية وأنا كثير بتشكرهم

بعد سنين انشاء الله رح تصير عملاق بالغناء هل رح توقف وتساعد مواهب بتستاهل؟

مثل ما وقفوا معي الكبار أكيد رح وقف مع أي انسان أكيد

وهون سمعونا أغنية يا جار الرضا

خبرنا عن تجربة غناءك مع أبو الليف؟

أبو الليف صوته من الأصوات الفظيعة كان صوته حلو و التجربة كانت حلوة

شو رأيك لو انعرضت عليك أغنية لحنها حلو بس الكلمات مثل كلمات أغنية كينغ كونغ بتغنيها؟

بغني بس أكيد ما لازم تكون هذه أغنيتي الأولى رح أعمل أول أغنية تكون أنا ناصيف رح غني لوني و أغنية أبو الليف ما لوني بس أنا لازم نوع بالغناء

هل بتخطط تعمل عمل فني مخصص للأطفال ؟

انشاء الله يارب تسمح الحياة هاد الشي كله اذا بتسمح إدارة أعمالي و أكيد بس تسمح رح غني للكبار وللصغار وعلقت المذيعة(إنشاء الله تعمل عمل للصغار وتصوره حتى تأتي على باريس وتصوره بديزني)
غني أغنية؟ غنى رمشه عينك علقت المذيعة (أي كلمة منك يا ناصيف بتكفينا وبتروينا)

كل الناس حست أنك أكبر من عمرك بكثير وأنك رجال ؟ شكرا أنا عمري بس 21 سنة

بأكثر من مقابلة صرحت أنك لست مرتبط ؟

ايوه اني مش مرتبط يعني لسه ماخطبت او تزوجت
شو أخبار دقات قلبك ؟ زادت او نقصت

أنا مثل ما أنا
دقات قلبي ما تغيرت مثل زي ماهو ضحكت مذيعو وضحكو

هل الحب ضروري للفنان؟

أكيد أي فنان بحب الحب لأنه فيه كثير مشاعر وبفوتك بحلات حلوة ومشاعر فايتة ببعضها وأصلا ما حلو يعيش الواحد بدون الحب

لكل معجبينك أنت برجك الميزان مواليدك 25\9\2010؟ بتعرف أنه برجك مثل برج ناس كثير مشهورة وكبيرة مثل رؤساء أمريكا و بافاروتي وعمرو دياب؟ بتتمنى تكون متل بافاروتي؟

أكيد بتمنى

بتحب تغني غربي؟

أكيد بحب أنا العبق الي بصوتي هو شرقي نظامي وحابب كثير أتطور وغني غربي( وناصيف زكر اسم فرقة أجنبية مفضلة عنده بس للأسف ما لحقت اسمها) [ندعوك للتسجيل في المنتدى أو التعريف بنفسك لمعاينة هذه الصورة]

و هلق شو رأيك تغني خليجي؟

ناصيف غنى أغنية بعاد كنتوا ولا قريبين

هل ناوي تغني بألبوماتك أغاني من لهجات مختلفة ويكون مزيج من اللهجات؟

أنا ناصيف الي هو ناصيف بحب كثير غني كل الألوان وغني خليجي وكل اللهجات وهون ناصيف غنى أغنية مغربية(لاموني إلي غاروا مني

شو حدود طموحاتك؟

إلي ببجي من الله يا محلاه إنشاء الله تضل الدنيا عم تضحك لي اسعى يا عبدي لأسعى معك

محبينك كثار جداً و لو فتحنا باب الإتصالات ما كنا خلصنا لحتى عيد الموسيقى القادم شو حابب تقول كلمة أخيرة وتسمعنا شي بصوتك؟

أنا حابب قول إنشاء الله كنت ضيف خفيف الدم وبحب قول شكرا لكل شخص صوتلي و دعمني و يارب تشوفوا أني نفس ناصيف و ما تغيرت عليكم وبتشكرك على المقابلة وغنى أغنية غرق الغرقان

يسلمو يا عسل على موضوع

يسلمو على موضوع