فى البرايم قبل اللى فات لما شكرى ورانيا وميرال كانوا نومينى
شكرى كسب بالتصويت بفرق 2 % عن رانيا و 6% عن ميرال
لما الطلاب كانوا بيصوتوا بين ميرال ورانيا لما التصويت وصل لزينة
كان الامر محسوم ان رانيا اللى هتخرج وميرال راجعة
زينة صوتت وبكل ثقة والدموع فى عينها اكيد سوريا اكيد ميرال
مع ان ميرال وزينة مش اصحاب اوى بالعكس رانيا كانت من اقرب الناس
لزينة بس تبقى البلد فوق كل شئ بس زينة اكدت للكل انها مستحيل
تفضل حاجة على اسم بلدها ومع ان ميرال بتحرم زينة من الغنى بالاجنبى
لان ميرال احسن وهى منافسة ليها فى الاجنيى الا انها صوتتلها وبكل ثقة
فى البرايم اللى فات طاهرة وريان ومغربى كانوا نومينى
طاهرة كسبت بالتصويت ولما وصل التصويت لمحمود مكنش محسوم لانه
لو محمود صوت لريان كان حصل تعادل بس محمود صوت لمغربى
بس صوت كانه بيصوت بالعافية محمود امبارح وسورى يعنى اثبت حقده
على مغربى مع ان ده شكل وده شكل فيه ناس قالت ان ريان كان قريب ليه بس
مهما كان ريان قريب لشكرى مش هيكون اقرب من رانيا لزينة
ومش هيكون اقربله من مهدى اللى لما صوت لرانيا قالها وبصوت عالى رنوووووووش
طب هو محمد ميستحقش انه يتقاله وبكل ثقة مغربى
دى اسما اللى نصها تونسى قالت سورى ريان محمد ابن بلدى
محمد مكانش يستحق انه يتصوتله ويتقال ابن مصرى او ابن بلدى
او حتى يقول اسمه بصوت عالى لا ده كان بيصوت وكان من جوا تقريبا
بيقول يارب تخرج
مهما بينت رولا لمحمود او لمحمد ان جمهور محمود اعلى
كلها كام شهر ومحمد يطلع ويعرف جمهوره اد ايه
رانيا لما خرجت قالت رولا كانت بتفهمنا ان محمود صاحب اكبر شعبية
واتصدمت لما شافت استقبالها فى المطار اللى كان ملوكى
انا مستنية يوم ما محمد يخرج بفارغ الصبر علشان يعرف جمهوره الحقيقى
ومستنية محمود يخرج علشان يعرف حجم جمهوره
مهما حصل وسواء محمد كمل ولا لا فمحمد هيفضل افضل شاب
مصرى دخل الاكاديمى كصوت كاخلاق كموهبة كاكريزما كحضور
محمد افضل من مر على ستار اكاديمى ربنا يوفقك ويحميك يا ابن بلدى يا ابن النيل
وللمرة المليون هقول مش الشاطر اللى ياخد اللقب او يوصل للنهائى
الشاطر اللى يكمل نجاحه بعد الاكاديمى وانت يا محمد معروف ومشهور من قبل الاكاديمى
وللاسف يا محمود هنشجعك علشان انت بس مصرى وهيفضل اسم مصر فوق كل شئ
الكلام بيعبر عن وجهة نظرى الشخصية والاختلاف فى الراى لا يفسد للود قضية
موضوع: زينة وشكرى 
الخميس أبريل 15, 2010 9:23 pm
الاوسمه
